കണ്ണൂർ: കെപിസിസി പ്രസിഡൻ്റും പേരാവൂർ എംഎല്‍എയുമായ സണ്ണി ജോസഫിനെ മണ്ഡലത്തിലെ പരിപാടിക്കിടെ സിപിഎം പ്രവർത്തകർ ഇറക്കിവിട്ടു.
ഇരിട്ടി മുനിസിപ്പാലിറ്റിയിലെ ചാവശ്ശേരി റോഡ് നവീകരണ ഉദ്ഘാടനത്തിന് എത്തിയതായിരുന്നു എംഎല്‍എ.
സർക്കാർ ഫണ്ട് ഉപയോഗിച്ച്‌ നിർമ്മിക്കുന്ന റോഡ് ആയതിനാല്‍ പ്രോട്ടോകോള്‍ അനുസരിച്ച്‌ എംഎല്‍എയാണ് ഉദ്ഘാടനം ചെയ്യേണ്ടത് എന്നായിരുന്നു സണ്ണി ജോസഫിന്റെ വാദം. എന്നാല്‍ എട്ടുകാലി മമ്മൂഞ്ഞ് ആകാൻ നില്‍ക്കണ്ട എന്ന് മുദ്രാവാക്യം വിളിച്ച്‌, സിപിഎം പ്രവർത്തകർ പ്രതിഷേധിച്ചു.
തുടർന്ന് എംഎല്‍എ വേദിയില്‍നിന്ന് ഇറങ്ങിപ്പോയി. തൊട്ടടുത്ത് തന്നെ യുഡിഎഫ് പ്രവർത്തകർ ഒരുക്കിയ വേദിയില്‍ എംഎല്‍എ കാര്യങ്ങള്‍ വിശദീകരിച്ചു. നവകേരള സദസിന്റെ ഭാഗമായി ലഭിച്ച പരാതിയുടെ അടിസ്ഥാനത്തിലാണ് പേരാവൂർ
Whatsapp Group 1 | Whatsapp Group 2 |Telegram Group
മണ്ഡലത്തില്‍ രണ്ട് റോഡുകളുടെ നവീകരണത്തിന് തുക അനുവദിച്ചത്.
നവകേരള സദസ്സ് തന്നെ ബഹിഷ്കരിച്ച എംഎല്‍എ, ക്രെഡിറ്റ് എടുക്കാൻ നോക്കുന്നു എന്നായിരുന്നു സിപിഎമ്മിന്റെ ആരോപണം. പ്രതിഷേധത്തിനൊടുവില്‍ നഗരസഭ ചെയർപേഴ്സണ്‍ ആണ് ഉദ്ഘാടനം നിർവഹിച്ചത്.
