കോട്ടയം മാന്നാനത്ത് ഗാന്ധിനഗർ പൊലീസിന്റെ വൻ വിദേശ മദ്യവേട്ട; പിടികൂടിയത് കെയ്സ് കണക്കിന് വിദേശമദ്യം; ദൃശ്യങ്ങൾ കാണാം

സ്വന്തം ലേഖകൻ

കോട്ടയം : മാന്നാനത്തിന് സമീപം കൈപ്പുഴ പിള്ളക്കവല ഭാഗത്ത് വൻ വിദേശ മദ്യ വേട്ട. ആളൊഴിഞ്ഞ വീട്ടിൽ സൂക്ഷിച്ചിരുന്ന കെയ്സ് കണക്കിന് വിദേശ മദ്യമാണ് ഗാന്ധിനഗർ പൊലീസ് പിടിച്ചെടുത്തത്.

കേന്ദ്രഭരണപ്രദേശമായ പോണ്ടിച്ചേരിയിൽ നിന്ന് കുറഞ്ഞ വിലയ്ക്ക് വാങ്ങി സൂക്ഷിച്ചിരുന്ന വിദേശ മദ്യമാണ് ഇത്.

അവധി ദിവസങ്ങളിൽ കൂടിയ വിലയ്ക്ക് വിൽക്കുന്നതിനായി വാങ്ങി സൂക്ഷിച്ചിരുന്ന മദ്യമാണ് ഇത്. ഇവിടെ വ്യാപകമായി രാപ്പകലില്ലാതെ മദ്യം വിൽക്കുന്നതായി ലഭിച്ച രഹസ്യ വിവരത്തേ തുടർന്നാണ് റെയ്ഡ് നടത്തിയത്.

ഗാന്ധിനഗർ എസ്എച്ച്ഒ ഷിജി, എസ് ഐ മാരായ മനോജ് കെ, ബിനുമോൻ , എഎസ്ഐ ബിജു, സീനിയർ സിവിൽ പൊലീസ് ഓഫീസർമാരായ അജിമോൻ , നവീൻ, ഷാമോൻ എന്നിവരുടെ നേതൃത്വത്തിലാണ് റെയ്ഡ് നടത്തിയത്.