സ്വന്തം ലേഖകൻ
കണ്ണൂർ: കനത്ത മഴയെത്തുടര്ന്ന് കാപ്പിമല വൈതല്ക്കുണ്ട് വെളളച്ചാട്ടത്തിന് സമീപം ഉരുള്പ്പൊട്ടി. ആള് അപായം ഉണ്ടായിട്ടില്ല. വ്യാപകമായി കൃഷിനാശം സംഭവിച്ചു. ജില്ലയില് 12 വീടുകള് ഭാഗികമായി തകര്ന്നു, മതിലിടിഞ്ഞ് രണ്ടുപേര്ക്ക് പരിക്കേറ്റു. മലയോരമേഖലയിലാണ് ദുരിതം രൂക്ഷം.
കണ്ണൂര് കാരശേരി ചെറുപുഴ കരകവിഞ്ഞൊഴുകുകയാണ്. വല്ലത്തായിപ്പുഴ പാലം മുങ്ങി. കുറ്റ്യാടി, തൊട്ടില്പ്പാലം പുഴകളിലും ജലനിരപ്പ് ഉയര്ന്നിട്ടുണ്ട്. തൃശൂര് രാമവര്മപുരത്ത് വന്മരം കടപുഴകി വീണതിനെ തുടര്ന്ന് നാലുപോസ്റ്റുകള് തകര്ന്നു.
Whatsapp Group 1 | Whatsapp Group 2 |Telegram Group
ദേശീയപാതയിലെ കുതിരാനില് വിള്ളല് ഉണ്ടായ ഭാഗം ഇടിഞ്ഞുതാഴ്ന്നതിനെ തുടര്ന്ന് ഏര്പ്പെടുത്തിയ ഗതാഗത നിയന്ത്രണം തുടരുകയാണ്. തിരുവനന്തപുരം വിതുര പൊലീസ് സ്റ്റേഷന് പരിസരത്ത് മരം കടപുഴകി വീണു. കസ്റ്റഡിയിലെടുത്ത എട്ടുവാഹനങ്ങള്ക്ക് കേടുപാടുകള് സംഭവിച്ചു. കൊല്ലത്ത് കടലാക്രമണ രൂക്ഷമായി തുടരുകയാണ്.
കാസർഗോഡ് വീരമലക്കുന്നിൽ വീണ്ടും മണ്ണിടിച്ചിലുണ്ടായി. 61 വീടുകൾ ഭാഗികമായും നാലു വീടുകൾ പൂർണമായും തകർന്നു. കഴിഞ്ഞ ദിവസം മാത്രം 17 വീടുകൾക്ക് നാശനഷ്ടമുണ്ടായി. ഇതോടെ ഗതാഗതം തടസപ്പെട്ടു.
പത്തനംതിട്ടയിൽ പമ്പ കരകവിഞ്ഞു താഴ്ന്ന പ്രദേശങ്ങളെല്ലാം വെള്ളത്തിനടിയിലായി. ഇരവിപേരൂർ ജംഗ്ഷനിൽ വെള്ളം കയറി. ആലപ്പുഴ ചമ്പക്കുളം മാനങ്കരി ഇളംപാടത്ത് മട വീണു. കോഴിക്കോട് കാരശേരി ചെറുപുഴ കരകവിഞ്ഞു. വല്ലത്തായിപ്പാറ വെള്ളത്തിൽ മുങ്ങി. നിരവധി വീടുകളിൽ വെള്ളം കയറി.
കോട്ടയം-കുമരകം-ചേർത്തല റോഡിൽ ഇല്ലിക്കൽ ഭാഗത്ത് വെള്ലം കയറിയതിനെ തുടർന്ന് ഗതാഗതം തടസപ്പെട്ടു. കുമരകം,തിുവാർപ്പ്,അയ്മനം പഞ്ചായത്തുകളിലെ വിവിധ പ്രദേശങ്ങളിൽ വീടുകളിൽ വെള്ളം കയറി. മീനച്ചീലാർ കരകവിഞ്ഞതിനെ തുടർന്ന് താഴ്ന്ന പ്രദേശങ്ങളിലും വെള്ളം കയറി. മീനച്ചീലാറ്റിലെ നീലിമംഗലം, പേരൂർ, നാഗമ്പടം, തിരുവാർപ്പ്, കുമരകം എന്നിവടങ്ങളിലെ ഹൈഡ്രോളജിക്കൽ സ്റ്റേഷനുകളിലെ ജലനിരപ്പ് അപകടനിരപ്പിനും മുകളിലെത്തി.
