പണമില്ലാതായതോടെ ബ്യൂട്ടിപാർലറിൽ പോക്ക് നിന്നു, മേക്കപ്പെല്ലാം പോയി പഴയപടിയായി ; പെരുമ്പാവൂരിലെ കടകൾതോറും കയറിയിറങ്ങി‌ കടംവാങ്ങിയാണ് ഞാൻ കഴിയുന്നത് : പരാതിയുടെ ഭാണ്ഡക്കെട്ടുമായി ജിഷയുടെ അമ്മ രാജേശ്വരി

പണമില്ലാതായതോടെ ബ്യൂട്ടിപാർലറിൽ പോക്ക് നിന്നു, മേക്കപ്പെല്ലാം പോയി പഴയപടിയായി ; പെരുമ്പാവൂരിലെ കടകൾതോറും കയറിയിറങ്ങി‌ കടംവാങ്ങിയാണ് ഞാൻ കഴിയുന്നത് : പരാതിയുടെ ഭാണ്ഡക്കെട്ടുമായി ജിഷയുടെ അമ്മ രാജേശ്വരി

Spread the love

സ്വന്തം ലേഖകൻ

പെരുമ്പാവൂർ : കേരളത്തെ ഒന്നാകെ ഞെട്ടിച്ച ഒന്നായിരുന്നു പെരുമ്പാവൂരിലെ ജിഷയുടെ മരണം. ജിഷയുടെ മരണത്തിന് ശേഷം ജിഷയുടെ അമ്മ രാജേശ്വരി സമൂഹമാധ്യമങ്ങളിൽ പ്രത്യക്ഷപ്പെടാറുണ്ട്.

ഇപ്പോഴിതാ ഏറെ നാളുകൾക്ക് ശേഷം രാജേശ്വരി പരാതികളുടെ ഭാണ്ഡക്കെട്ടുമായി എത്തിയിരിക്കുകയാണ്. മകളുടെ മരണശേഷം താൻ ഇപ്പോൾ കടത്തിൽ മുങ്ങി കുളിച്ചു ജീവിക്കുകയാണെന്നും തന്നെ ആരും നോക്കുന്നില്ലെന്നും ആണ് രാജേശ്വരിയുടെ പുതിയ പരാതി.

തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group

രാജേശ്വരി പരാതി ജനങ്ങളുമായി പങ്കുവയ്ക്കുന്ന വീഡിയോ ഇപ്പോൾ സമൂഹമാധ്യമങ്ങളിൽ വൈറലായി മാറിയിരിക്കുകയാണ്.

രാജേശ്വരിയുടെ വീഡിയോയുടെ പ്രശസ്ത ഭാഗങ്ങൾ ചുവടെ

ഞാൻ മരിച്ചു പോയ ജിഷയുടെ അമ്മയാണ് എനിക്ക് മൂന്ന് വർഷമായിട്ട് പൈസകൾ ഒന്നും കിട്ടുന്നില്ല ഞാൻ ഭയങ്കര ബുദ്ധിമുട്ടിലാണ് കൊച്ചു മരിച്ചതിനുശേഷം എനിക്ക് തീരെ സുഖമില്ലെന്നും രാജേശ്വരി പറയുന്നു.

കളക്ടർ രാജൻ പണിക്കർ സാർ പോയതിനുശേഷം പുതിയ പലപ്രാവശ്യമായി കലക്ടർ മൂന്നുലക്ഷം രൂപ പലതവണയായട്ടാണ് എനിക്ക് തന്നത്. ഒരു പ്രാവശ്യം സുഖമില്ലാതെ ചികിത്സയ്ക്ക് വേണ്ടി തന്നത്.പക്ഷേ ആ കാശുകൊണ്ട് ചികിത്സിച്ചിട്ട് എന്റെ അസുഖങ്ങൾ ഒന്നും മാറിയില്ല കൈക്ക് ഒരു ഓപ്പറേഷൻ വേണം എന്നാണ് ഡോക്ടർ പറഞ്ഞത്.

ആ ഓപ്പറേഷന്റെ പണത്തിനു വേണ്ടി കളക്ടറെ കാണാൻ ഞാൻ പോയിരുന്നു ഞാൻ അപേക്ഷ കൊണ്ട് പോയിട്ട് എന്റെ അപേക്ഷ സ്വീകരിച്ചില്ല. അവിടെയുള്ള ഒരു മേടം ഞാൻ എപ്പോൾ ചെന്നാലും എന്നെ നിഷേധിച്ച് കളിയാക്കുന്ന രീതിയിൽ ആണ് പെരുമാറാറുള്ളത് ഇതൊക്കെ കളക്ടർ അറിയുന്നുണ്ടോ ഇല്ലയോ എന്ന് എനിക്ക് അറിയാൻ പാടില്ല.

ഇവർ കള്ളത്തരങ്ങൾ നടത്തി കൂട്ടുന്നതാണോ എന്നോ എനിക്കറിയില്ല. പുറമേ കോടികൾ വന്നു എന്നാണ് പറയുന്നത്. തെറ്റ് ചെയ്യാതെ മാനം മര്യാദയ്ക്ക് ജീവിക്കുന്ന എന്നെപ്പോലുള്ള പെണ്ണുങ്ങളുടെ മേൽ ചീത്തപ്പേരുണ്ടാക്കുന്നു ഇപ്പോഴത്തെ ചില നേതാക്കന്മാരുടെ ആളുകൾ.

എന്റെ കൊച്ചിനെ കൊന്നിട്ട് ഇത്രയും നാളായി എന്തുകൊണ്ട് ഇതുവരെ എന്റെ കൊച്ചിനെ കൊന്ന പ്രതികളെ ശിക്ഷിച്ചില്ല അമീർ ഇസ്ലാമിനെ പിടിച്ച് 20 ദിവസത്തിനുള്ളിൽ ശിക്ഷ നൽകുമെന്ന് പറഞ്ഞിരുന്നു ഇതുവരെയും ശിക്ഷിച്ചിട്ടില്ല.

അതുപോലെ അമീർ ഇസ്ലാമിന്റെ കൂടെ എത്ര കൂട്ടാളികൾ ഉണ്ടായിട്ടുണ്ട് എന്റെ കൊച്ചിനെ കൊല്ലാൻ അവരെ പോലും ഇതുവരെയും ശിക്ഷിച്ചിട്ടില്ല. എന്റെ മകൾ മരിച്ചപ്പോൾ അവളുടെ കയ്യിൽ ഒരു തലമുടിയും ഒരു വിരലടയാളവും ഉണ്ടായിരുന്നു ഈ രേഖകളൊന്നും ഇരുവരെയും തെളിയിച്ചിട്ടില്ല.

മൂത്ത മോൾ ആണെങ്കിൽ എന്നെ അന്വേഷിക്കുകയോ നോക്കുകയോ ഒന്നുമില്ല. ഇപ്പോൾ ഉള്ള നേതാക്കന്മാർ ഞാൻ എങ്ങനെ ജീവിക്കുന്നു എന്തു ചെയ്യുന്നു എന്നുപോലും അന്വേഷിക്കാറില്ല. എന്റെ മകൾ മരിച്ചപ്പോൾ വന്നതാണ് അതല്ലാതെ ഇതുവരെയും വരുകയോ അന്വേഷിക്കുകയോ ചെയ്തിട്ടില്ല. ഞാനാണെങ്കിൽ എനിക്ക് പറ്റുന്ന രീതിയിൽ കൂലിപ്പണി എടുത്തെങ്കിലും ജീവിക്കണമെന്ന ആഗ്രഹകാരിയാണ് ആരെയും പിടിച്ചുപറിച്ചോ മോഷ്ടിച്ചോ ജീവിക്കണമെന്ന ആഗ്രഹം എനിക്കില്ല ജനങ്ങൾ തന്ന പൈസയാണ് ആ പൈസ എനിക്ക് കിട്ടണം.

കോടികൾ ഉണ്ട് രാജേശ്വരി കോടീശ്വരി ആണ് എന്നൊക്കെയാണ് പുറത്ത് എല്ലാവരും അറിയുന്നത് അപ്പോൾ എനിക്ക് എത്ര കോടി പണം വന്നിട്ടുണ്ടോ ആ പണത്തിന്റെ സത്യാവസ്ഥ പുറത്തു വരണം ഇപ്പോൾ എന്റെ പെൻഷൻ നിഷേധിച്ചിരിക്കുകയാണ്. മുഖ്യമന്ത്രി ഉമ്മൻചാണ്ടി പ്രഖ്യാപിച്ച പൈസയാണ് ഞാൻ ചോദിക്കുന്നത് ആ പൈസയിൽ നിന്ന് ഓണമായിട്ട് കൂടി എനിക്ക് കുറച്ചു പൈസ തന്നിട്ടില്ല. പത്രത്തിലൊക്കെ ന്യൂസ് ഉണ്ടായിരുന്നു ഓണമായിട്ട് രണ്ടുമാസത്തെ പെൻഷൻ തുക എല്ലാവർക്കും കൊടുക്കുന്നുണ്ട് എന്ന് അതറിഞ്ഞ്.

ഓണം കഴിഞ്ഞതിന്റെ പിറ്റേദിവസം പൈസ ചോദിച്ച് കൊണ്ട് ഞാൻ താലൂക്ക് ഓഫീസിൽ ചെന്നപ്പോൾ അവിടെനിന്ന് പറഞ്ഞത് അങ്ങനെ ഒരു പെൻഷൻ ചേച്ചിക്ക് ഇല്ല എന്നാണ്. ജനങ്ങൾ തന്ന പണത്തിൽ നിന്നാണ് ഞാൻ ചോദിക്കുന്നത് വേറെ ഏതു നേതാക്കന്മാരുടെ കയ്യിൽ നിന്നും ഞാൻ കാശ് ചോദിക്കുന്നില്ല.

ഇതിനു മുൻപും പാർട്ടിക്കാർ 15 ലക്ഷം രൂപ ബാങ്കിൽ ഇട്ടിട്ട് ഞാൻ കാശ് ചോദിച്ചു കഴിഞ്ഞപ്പോൾ പാർട്ടിക്കാർ പറഞ്ഞത് ആ പണം തിരിച്ച് പാർട്ടിക്കാർക്ക് തന്നെ വേണം ആ പണം നിങ്ങൾക്ക് തരാൻ ഉള്ളതല്ല എന്നൊക്കെ പറഞ്ഞ് ഒരുപാട് ലഹള ഉണ്ടാക്കി അങ്ങനെ ഒരു വിധത്തിൽ ഞാൻ ആ പണം വാങ്ങിച്ച് എടുത്തു എന്റെ വീടു പണിപ്പോൾ ഉണ്ടായ കടങ്ങൾ ഒക്കെ ആ പണംകൊണ്ട് വീട്ടി. ഇപ്പോൾ ശരിക്കും പറഞ്ഞുകഴിഞ്ഞാൽ പത്തു പൈസക്ക് പോലും നിവർത്തിയില്ലാതെ കളക്ടർ പോയതിനു ശേഷം ഈ മൂന്നു ലക്ഷം രൂപ പലതവണയായി എനിക്ക് തന്നു കൊണ്ടിരുന്ന പണം ഇപ്പോൾ നിർത്തൽ ചെയ്തിരിക്കുകയാണ്.

ജനങ്ങൾ തന്ന പണം എനിക്ക് കിട്ടണം ആ പണം എനിക്ക് അവകാശപ്പെട്ട പണമാണ് ഒരു നേതാക്കന്മാരുടെയും പണമല്ല.കലക്ടർ പോയതിനുശേഷം മൂന്നുലക്ഷം രൂപ തന്നത് അല്ലാതെ പത്ത് പൈസ എനിക്ക് വരുമാനമില്ല ഞാൻ എങ്ങനെയാണ് ജീവിക്കുന്നത് എന്ന് നേതാക്കന്മർ എന്താണ് അന്വേഷിക്കാത്തത്. സർക്കാർ എന്നെ ഏറ്റെടുത്തിരിക്കുകയാണ് എന്ന് പറയുന്നു എന്തുകൊണ്ട് എന്നെ അന്വേഷിക്കുന്നില്ല. എന്തുകൊണ്ട് എനിക്ക് ജനങ്ങൾ തന്ന പണം എനിക്ക് തരാത്തെ അവർ പിടിച്ചുവെച്ചു.

എന്റെ പണം എനിക്ക് കിട്ടണം അത് നേതാക്കന്മാരുടെയും കാശ് അല്ല പൊതുജനങ്ങളുടെ പണമാണ് ആ പണം എനിക്ക് കിട്ടാതെ പറ്റില്ല. കാരണം എനിക്ക് ജീവിക്കാൻ വേറെ നിവർത്തി ഒന്നുമില്ല എനിക്ക് സുഖമില്ല. ഞാൻ കുറെ നാളായി പെരുമ്പാവൂരിലെ പലരോടും ഒക്കെ കടം വാങ്ങിയാണ് ജീവിക്കുന്നത് പല ഹോട്ടലുകളിലും കടം പറഞ്ഞാണ് ഭക്ഷണം കഴിക്കുന്നത്. എന്റെ മൂത്ത മോൾ എന്നെ നോക്കൂക പോലുമില്ല.

എന്നെ നോക്കിക്കൊണ്ടിരുന്നത് എന്റെ ജിഷ മോളാണ്. നല്ല രീതിയിൽ വളർത്തി പഠിപ്പിച്ചുകൊണ്ടിരുന്ന എന്റെ മകൾ ഉണ്ടായിരുന്നെങ്കിൽ ഇന്ന് എനിക്ക് നിങ്ങളുടെ ആരുടെയും സഹായം േേടണ്ടി വരില്ലായിരുന്നു.

എനിക്ക് ഉണ്ടെന്ന് പറഞ്ഞ പെൻഷനും ഇപ്പോൾ ലഭിക്കുന്നില്ല.എന്റെ ചികിത്സയുടെ ഭാഗമായി ഒരു ഇഞ്ചക്ഷന് ആയിരം രൂപയാണ് വില. ഒരു നേരത്തെ ഇഞ്ചക്ഷൻ എടുക്കാൻ വേണ്ടി ഞാൻ ആരോട് പണം വാങ്ങിക്കും.

പെരുമ്പാവൂർ ഉള്ള എല്ലാ കടകളിലും ഹോട്ടലുകളിലും മെഡിക്കൽ ഷോപ്പുകളിലും ഞാൻ കടം ചോദിച്ചു കഴിഞ്ഞു ഞാനിപ്പോൾ കടത്തിൽ മുങ്ങി ജീവിച്ചു കൊണ്ടിരിക്കുകയാണ്. ജനങ്ങൾ തന്ന പണം എനിക്ക് കിട്ടണം എന്റെ പെൻഷൻ പണവും എനിക്ക് കിട്ടണമെന്നും രാജേശ്വരി പറയുന്നു.

Tags :