ഒരു ദിവസം പ്രായമുള്ള മകളുടെ കുഞ്ഞ് മുഖം കാണാതെ ജെസ്മി യാത്രയായി: പാലാ സ്വദേശിയായ യുവതി മരിച്ചത് കൊവിഡ് ബാധിച്ച്

സ്വന്തം ലേഖകൻ

തൃശൂർ: കൊവിഡിൻ്റെ പിടിയിൽപ്പെട്ടുഴറുന്ന കേരളത്തിന് മറ്റൊരു മുഖം സമ്മാനിച്ച് പാലാ സ്വദേശിയായ യുവതി തൃശൂരിൽ മരിച്ചു.

പാലാ സ്വദേശിയും മാതൃഭൂമി തൃശ്ശൂര്‍ ബ്യൂറോയിലെ സ്റ്റാഫ് റിപ്പോര്‍ട്ടര്‍ പൂഞ്ഞാർ കല്ലേക്കുളം വയലില്‍ ഹോര്‍മിസ് ജോര്‍ജിന്റെ ഭാര്യ ജെസ്മി(38)യാണ് കൊവിഡ് ബാധിച്ച് മരിച്ചത്.

ഒരു ദിവസം മുൻപാണ് ജെസ്മിയ്ക്ക് പെൺകുട്ടിയുണ്ടായത്. എന്നാൽ , കുട്ടിയുടെ മുഖം ഒന്ന് കാണും മുൻപ് ജസ്മിയ്ക്ക് ജീവൻ നഷ്ടമായത്.

കൊവിഡ് ബാധിതയായി തൃശ്ശൂര്‍ ജൂബിലി മിഷന്‍ മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു ഇവർ.

മകന്‍ : ക്രിസ്. പാലാ കൊഴുവനാല്‍ പറമ്പകത്ത് ആന്റണിയുടെയും ലാലിയുടെയും മകളാണ് . സഹോദരങ്ങള്‍: ലിസ്മി (മനോരമ ആരോഗ്യം, കോട്ടയം) ,ആന്റോ.