വീണ്ടും തെരുവുനായ ആക്രമണം: വീട്ടുമുറ്റത്ത് കളിച്ചുകൊണ്ടിരുന്ന മൂന്ന് വയസുകാരിയെ ആക്രമിച്ചു;കുഞ്ഞിന്റെ മുഖത്തിന് പരിക്ക്

സ്വന്തം ലേഖകൻ

തിരുവനന്തപുരം: സംസ്ഥാനത്ത് വീണ്ടും തെരവുനായ ആക്രമണം. തിരുവനന്തപുരം ബാലരാമപുരത്താണ് ആക്രമണം നടന്നത്. വീട്ടുമുറ്റത്ത് കളിച്ചു കൊണ്ടിരുന്ന മൂന്നു വയസുകാരിയെയാണ് തെരുനായ ആക്രമിച്ചത്.

കുഞ്ഞിന്റെ മുഖത്ത് സാരമായ പരിക്കേറ്റു. കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. നിലവിൽ കുട്ടിയുടെ ആരോഗ്യനില തൃപ്തികരമാണെന്നാണ് വിവരം.

അതേസമയം, കഴിഞ്ഞ ദിവസം നാലുവയസുകാരിയെ ആക്രമിച്ച തെരുവുനായക്ക് പേ വിഷബാധ സ്ഥിരീകരിച്ചു.