ഡെപ്യൂട്ടി സ്പീക്കർ ചിറ്റയം ​ഗോപകുമാറിന്റെ കാർ അപകടത്തിൽപ്പെട്ടു; ഔദ്യോ​ഗിക വാഹനം സ്കൂട്ടറുമായി കൂട്ടിയിടിച്ച് യുവതിക്ക് പരുക്ക്

സ്വന്തം ലേഖകൻ

കൊല്ലം: ഡെപ്യൂട്ടി സ്പീക്കർ ചിറ്റയം ​ഗോപകുമാറിന്റെ വാഹനമിടിച്ച് സ്കൂട്ടർ യാത്രക്കാരിക്ക് പരുക്ക്. തുരുത്തമ്പലം സ്വദേശിനി രശ്മിക്ക് ആണ് പരുക്കേറ്റത്. കുളക്കട വായനാശാല എം സി റോഡിലാണ് വെച്ചായിരുന്നു അപകടം. പരുക്കേറ്റ യുവതിയെ കൊട്ടാരക്കര സ്വകാര്യ ആശുപത്രിയിൽ പ്രവേശിപ്പിച്ചു.

അടൂരി‍ൽ നിന്ന് തിരുവനന്തപുരത്തേക്ക് ഔദ്യോ​ഗിക കാറിൽ പോവുകയായിരുന്നു ഡെപ്യൂട്ടി സ്പീക്കർ. എം സി റോഡിൽ വെച്ച് അതേ ദിശയിൽ വന്ന യുവതിയുടെ സ്കൂട്ടറുമായി കാർ ഇടിക്കുകയായിരുന്നു.

ഇടിയിൽ കാറിന്റെ മുൻഭാ​ഗം തകർന്നു. ഡെപ്യൂട്ടി സ്പീക്കർ ചിറ്റയം ​ഗോപകുമാറിനും ഡ്രൈവർക്കും പരുക്കുകളില്ല. അപകടം നടന്ന് 15 മിനുട്ടിന് ശേഷം ഇവർ മറ്റൊരു കാറിൽ തിരുവനന്തപുരത്തേക്ക് പോയി.