ധീരജ് വധം; ഒരു കെഎസ്യു നേതാവ് കൂടി പിടിയില്
സ്വന്തം ലേഖിക
ഇടുക്കി: ഇടുക്കി എഞ്ചിനിയറിംഗ് കോളേജിലെ എസ്എഫ്ഐ പ്രവര്ത്തകന് ധീരജിന്റെ കൊലപാതക്കേസില് ഒരാള് കൂടി പിടിയില്.
കെഎസ്യു ഇടുക്കി ജില്ലാ ജനറല് സെക്രട്ടറി നിതിന് ലൂക്കോസാണ് പിടിയിലായത്. കേസില് നാലാം പ്രതിയാണ് നിതിന്.
Whatsapp Group 1 | Whatsapp Group 2 |Telegram Group
ഇതോടെ കേസില് പിടിയിലാവുന്നവരുടെ എണ്ണം ആറായി. കേസില് അഞ്ചാം പ്രതിയാണ് ഇനി പിടിയിലാകാനുള്ളത്.
ഇടുക്കി ഡിവൈഎസ്പി ഇമ്മാനുവല് പോളിന്റെ നേതൃത്വത്തിലുള്ള സംഘമാണ് അന്വേഷണം നടത്തുന്നത്. കേസില് നേരത്തെ അറസ്റ്റിലായ യൂത്ത് കോണ്ഗ്രസ് നേതാക്കളായ നിഖില് പൈലിയും ജെറിന് ജോജോയും നിലവില് റിമാന്ഡിലാണ്.
ഇവരെ പത്തു ദിവസത്തേക്ക് കസ്റ്റഡിയില് വിട്ടുകിട്ടണമെന്നാവശ്യപ്പെട്ട് പൊലീസ് കോടതിയെ സമീപിച്ചിട്ടുണ്ട്.
കൊലപ്പെടുത്താൻ ഉപയോഗിച്ച ആയുധം കണ്ടെത്തുന്നതിനും സംഭവ സ്ഥലത്തെത്തിച്ച് തെളിവെടുപ്പ് പൂര്ത്തിയാക്കുന്നതിനും കൂടുതല് അന്വേഷണങ്ങള്ക്കുമായാണ് കസ്റ്റഡിയില് ആവശ്യപ്പെട്ടിരിക്കുന്നത്.