കണ്ണൂരിൽ ഇരുമ്പ് ഗേറ്റ് ദേഹത്ത് വീണ് മൂന്ന് വയസുകാരന് ദാരുണാന്ത്യം

സ്വന്തം ലേഖിക

മട്ടന്നൂര്‍: ഇരുമ്പ് ഗേറ്റ് ദേഹത്ത് വീണ് മൂന്ന് വയസുകാരന് ദാരുണാന്ത്യം.

ഉരുവച്ചാല്‍ പെരിഞ്ചേരിയിലെ കുന്നുമ്മല്‍ വീട്ടില്‍ റിഷാദ്‌ ആയിഷ ദമ്പതികളുടെ മകന്‍ ഹൈദറാണ് മരിച്ചത്. തിങ്കളാഴ്ച വൈകിട്ട് ആറോടെ അയല്‍ വീട്ടില്‍ കളിച്ചുകൊണ്ടിരിക്കെയാണ് അപകടം.

സ്ലൈഡിങ് ഗേറ്റ് നീക്കുന്നതിനിടെ ടയര്‍ തെന്നിമാറി കുട്ടിയുടെ ദേഹത്ത് വീഴുകയായിരുന്നു. ഉടന്‍ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ചൊവ്വാഴ്ച പുലര്‍ച്ചെയോടെ മരിച്ചു.