ചങ്ങനാശേരി ഇനി ക്യാമറവലയത്തില്‍; നഗരത്തില്‍ സ്ഥാപിച്ചിട്ടുള്ള സര്‍വൈലൻസ് ക്യാമറകളുടെ ഉദ്ഘാടനം ഇന്ന് മന്ത്രി വി.എൻ വാസവൻ നിര്‍വഹിക്കും

ചങ്ങനാശേരി : നഗരത്തിലും സമീപ പ്രദേശങ്ങളും ഇന്ന് മുതല്‍ ക്യാമറ നിരീക്ഷണത്തിലാകും.

നഗരത്തില്‍ സ്ഥാപിച്ചിട്ടുള്ള സര്‍വൈലൻസ് ക്യാമറകളുടെ ഉദ്ഘാടനം ഇന്ന് വൈകിട്ട് 3 ന് ചങ്ങനാശേരി പൊലീസ് സ്റ്റേഷനില്‍ നടക്കുന്ന ചടങ്ങില്‍ മന്ത്രി വി.എൻ വാസവൻ നിര്‍വഹിക്കും.

ജോബ് മൈക്കിള്‍ എം.എല്‍.എ അദ്ധ്യക്ഷത വഹിക്കും. കൊടിക്കുന്നില്‍ സുരേഷ് എം.പി മുഖ്യപ്രഭാഷണം നടത്തും.

നഗരസഭ ചെയര്‍പേഴ്സണ്‍ ബീന ജോബി, അഡീഷണല്‍ എസ്.പി വി.സുഗതൻ, ഡിവൈ.എസ്.പി എ.കെ.വിശ്വനാഥൻ, എം.എസ് തിരുമേനി, പി.ആര്‍ രഞ്ചിതകുമാര്‍, ബെന്നി ജോസഫ് എന്നിവര്‍ പങ്കെടുക്കും.

തുക എം.എല്‍.എ ഫണ്ടില്‍ നിന്ന്

അനുവദിച്ചത് : 50 ലക്ഷം രൂപ

സ്ഥാപിച്ചത് : 56 ക്യാമറകള്‍