കോട്ടയം കുമരകത്ത് പൊട്ടിവീണ കേബിളിൽ കുരുങ്ങി ബൈക്ക് യാത്രികന് പരിക്ക്
കുമരകം: പൊട്ടിവീണ കേബിളിൽ കുരുങ്ങി ബൈക്ക് യാത്രികന് പരിക്കേറ്റു. ആലപ്പുഴ കലവൂർ ചെറുകണ്ടത്തിൽ വീട്ടിൽ ബാലമുരളിയാണ് (40) അപകടത്തിൽപ്പെട്ടത് . കുമരകം ആറ്റാമംഗലം പള്ളിയ്ക്ക് സമീപം പ്രധാന റോഡിൽ വച്ചാണ് സംഭവം നടന്നത്. കോട്ടയത്തുനിന്നും പടിഞ്ഞാറോട്ട് പോവുകയായിരുന്ന ബൈക്കിന് മുമ്പിലേയ്ക്ക് റോഡിന് കുറുകെ വലിച്ചിരുന്ന കേബിൾ പൊട്ടിവീഴുകയും നിയന്ത്രണം തെറ്റി ബൈക്ക് ആറ്റാമംഗലം പള്ളി പാരീഷ്ഹാളിന് മുൻവശത്തെ കുഴിയിലേയ്ക്ക് മറിയുകയുമായിരുന്നു. എതിർവശത്തുള്ള ലൈം ഫാക്ടറി പുരയിടത്തിൽ പൂഴിമണ്ണ് ഇറക്കുവാൻ ടോറസ് ഉയർത്തിയപ്പോൾ കേബിൾ പൊട്ടിവീഴുകയും അതേ സമയം യാത്ര ചെയ്തുവന്ന ബൈക്ക് യാത്രികന്റെ നെഞ്ചിൽ […]