പ്ലസ് വണ് വിദ്യാര്ഥികളെ ആക്രമിച്ചു; രണ്ട് കുട്ടികളുടെ തലയ്ക്ക് ഗുരുതരമായ പരിക്ക്; സ്കൂളിലെ സീനിയര് വിദ്യാര്ഥികള് അറസ്റ്റില്
സ്വന്തം ലേഖകൻ കൊച്ചി: പ്ലസ് വണ് വിദ്യാര്ഥികളെ ആക്രമിച്ച കേസില് സീനിയര് വിദ്യാര്ഥികള് അറസ്റ്റില്. മണക്കുന്നം ഉദയംപേരൂര് സ്വദേശികളായ ആദിത്യന് (18) ജോയല് മാര്ട്ടിന് (18), മുളന്തുരുത്തി സ്വദേശി അദിന് ജേക്കബ്ബ് എബ്രഹാം (18) എന്നിവരാണ് പിടിയിലായത്. രണ്ടു കുട്ടികളുടെ തലയ്ക്ക് ഗുരുതരമായി പരിക്കേറ്റിരുന്നു. ഇവരെ പിറവം ഒന്നാം ക്ലാസ് മജിസ്ട്രേറ്റ് മുൻപാകെ ഹാജരാക്കി 14 ദിവസത്തേക്ക് റിമാന്റ് ചെയ്തു.