കോട്ടയം പാമ്പാടിയിൽ അപകടം ; നിയന്ത്രണം തെറ്റിയ ടാങ്കർ ലോറി ചായക്കടയിലേക്ക് ഇടിച്ചു കയറി ; ആറ് പേർക്ക് പരിക്ക് ; വീഡിയോ കാണാം

സ്വന്തം ലേഖകൻ

കോട്ടയം : പാമ്പാടി വെള്ളൂരിൽ പെട്രോൾ ടാങ്കർ തട്ടുകടയിലേയ്ക്ക് ഇടിച്ച് കയറി അപകടം. 6 പേർക്ക് പരുക്കേറ്റു.  ഇന്ന് വൈകുന്നേരം നാലരയോടെയാണ് സംഭവം.

പാമ്പാടി വെള്ളൂർ പി ടി എം സ്കൂളിന് സമീപമായിരുന്നു അപകടം. അപകടത്തിൽ ആറ് പേർക്ക് പരിക്കേറ്റു.

അപകടം പൊൻകുന്നം ഭാഗത്തു നിന്നും കോട്ടയം ഭാഗത്തേയ്ക്ക് വന്ന പെട്രോൾ ടാങ്കർ നിയന്ത്രണം തെറ്റി ലോറി റോഡിനു മറുവശത്തുള്ള തട്ടുകടയിലേക്ക് ഇടിച്ചു കയറുകയായിരുന്നു.

ഇടിയുടെ ആഘാതത്തിൽ തട്ടുകട 5 മീറ്ററോളം തെന്നിമാറി കട ഉടമ. പരിക്കേറ്റവരെ പാമ്പാടി താലൂക്ക് ആശുപത്രിയിൽ എത്തിച്ചു. പാമ്പാടി പോലീസും അഗ്നി രക്ഷാ സേനയും സ്ഥലത്തെത്തിയിട്ടുണ്ട്.