ഭക്തിസാന്ദ്രമായി അനന്തപുരി; പണ്ടാര അടുപ്പില്‍ തീ പകര്‍ന്നു; ഉച്ചയ്ക്ക് 1.20ന് പൊങ്കാല നിവേദിക്കും

സ്വന്തം ലേഖിക

തിരുവനന്തപുരം: പണ്ടാര അടുപ്പില്‍ തീ പകര്‍ന്നതോടെ ഈ വര്‍ഷത്തെ ആറ്റുകാല്‍ പൊങ്കാലയ്ക്ക് തുടക്കമായി.

ക്ഷേത്രമുറ്റത്ത് പണ്ടാര അടുപ്പില്‍ മാത്രമാണ് ഇത്തവണയും പൊങ്കാല. ഭക്തജനങ്ങള്‍ വീട്ടുമുറ്റങ്ങളിലാണ് പൊങ്കാലയിടുന്നത്.

കോവിഡ് മാനദണ്ഡങ്ങള്‍ പാലിച്ചാണ് പൊങ്കാല. മന്ത്രി ശിവന്‍കുട്ടി, മേയര്‍ ആര്യ രാജേന്ദ്രന്‍ അടക്കമുള്ളവര്‍ ക്ഷേത്ര പരിസരത്ത് എത്തിയിരുന്നു.

പതിവിലും നേരത്തെ ഉച്ചയ്ക്ക് 1.20നാണ് പൊ​ങ്കാല നിവേദ്യം. ആ നിമിഷം പതിവുപോലെ സെസ്ന വിമാനം നഗരത്തില്‍ വട്ടം പറന്ന് പൂക്കള്‍ വര്‍ഷിക്കും. ഈ സമയം ഭക്തര്‍ക്ക് പൂവും ജലവും തളിച്ച്‌ നിവേദ്യം ദേവിക്ക് സമര്‍പ്പിക്കും.