കൊച്ചി: നടൻ ടിനി ടോമിനെതിരായ അപകീർത്തിക്കേസില് വിട്ടുവീഴ്ചയ്ക്കില്ലെന്ന് വ്യക്തമാക്കി നടി അൻസിബ ഹസൻ.
ടിനിക്കെതിരായ പരാതിയില് കടവന്ത്ര പോലീസ് കേസ് രജിസ്റ്റർ ചെയ്യാൻ തയ്യാറായില്ലെങ്കില് കോടതിയെ സമീപിക്കുമെന്ന് നടി വാർത്താസമ്മേളനത്തില് അറിയിച്ചു.
കടവന്ത്ര സ്റ്റേഷനിലെത്തി വിശദമായ മൊഴി നല്കിയ ശേഷമായിരുന്നു അൻസിബയുടെ പ്രതികരണം.
‘ടിനി ടോം രാഷ്ട്രീയത്തില് സ്വാധീനമുളള വ്യക്തിയാണ്. ടിനി അപകീര്ത്തിപ്പെടുത്തുന്ന സന്ദേശം അയച്ചതിന്റെ തെളിവുകള് എന്റെ പക്കലുണ്ട്. ഈ സന്ദേശം അയച്ചത് എക്സിക്യൂട്ടീവ് കമ്മിറ്റിയുടെ വാട്ട്സ്ആപ്പ് ഗ്രൂപ്പിലാണ്. സര്ക്കാരില് എനിക്ക് പരിപൂര്ണ വിശ്വാസമുണ്ട്’: അന്സിബ ഹസന് പറഞ്ഞു.
Whatsapp Group 1 | Whatsapp Group 2 |Telegram Group
ടിനി ടോമിനെതിരായ പരാതിയില് അന്സിബ ഇന്ന് കടവന്ത്ര പൊലീസ് സ്റ്റേഷനില് ഹാജരായി മൊഴി നല്കിയിരുന്നു. ജൂണ് ഒന്നിനാണ് അന്സിബ പരാതി നല്കിയത്.
ടിനി ടോം തനിക്കെതിരെ തുടര്ച്ചയായി അപവാദ പ്രചാരണം നടത്തിയെന്നാണ് നടിയുടെ ആരോപണം. ടിനി ടോമിൻ്റെ ഡ്രൈവറെ താന് മതംമാറ്റാന് ശ്രമിച്ചു എന്നതുള്പ്പെടെ വ്യാജ പ്രചാരണങ്ങള് നടത്തിയെന്നും തന്നെയും കുടുംബത്തെയും വേട്ടയാടാന് ശ്രമിച്ചുവെന്നും അന്സിബ ആരോപിക്കുന്നു.
താന് കടുത്ത മാനസിക പീഡനത്തിന് ഇരയായെന്നും ടിനി ടോമിന്റേത് സ്ത്രീത്വത്തെ അപമാനിക്കുന്ന പെരുമാറ്റമാണെന്നും അന്സിബ പരാതിയില് ആരോപിക്കുന്നുണ്ട്.
