ഗുരുവായൂർ ക്ഷേത്രത്തില് പ്രോട്ടോക്കോള് ലംഘനവുമായി മുഖ്യമന്ത്രി വി ഡി സതീശനും മന്ത്രിമാരും. അവധി ദിവസങ്ങളില് വിഐപി ദർശനം പാടില്ലെന്ന വ്യവസ്ഥ അട്ടിമറിച്ചാണ് മുഖ്യമന്ത്രിയും മന്ത്രിമാരും ഗുരുവായൂർ ക്ഷേത്രത്തില് എത്തിയത്. ക്ഷേത്രനടയില് റീല്സ് ചിത്രീകരണം പാടില്ലെന്ന നിയമവും കാറ്റില് പറത്തി.
ഓണ്ലൈൻ മീഡിയകള് റീല്സ് ചിത്രീകരണം നടത്തിയിട്ടും ക്ഷേത്ര അധികൃതർ ഇടപെട്ടില്ല. നിയമലംഘനത്തിന് കുട പിടിക്കുകയാണ് ക്ഷേത്രം അഡ്മിനിസ്ട്രേഷൻ. അതേസമയം മുഖ്യമന്ത്രിയുടെ ഗുരുവായൂർ ക്ഷേത്രദർശനത്തെ തുടർന്ന് ജനം വലഞ്ഞത് നേരത്തെ വാർത്തയായിരുന്നു.
മുഖ്യമന്ത്രി വി ഡി സതീശൻ്റെ സുരക്ഷ നടപടികളെ തുടർന്നാണ് ജനം വലഞ്ഞത്. മണിക്കൂറികളോളം കാത്തു നിന്നിട്ടും തൊഴാൻ സാധിക്കാതെ ജനങ്ങള് ബുദ്ധിമുട്ടി. നിരവധി പേർക്കാണ് ദർശനം നടത്താൻ കഴിയാതെ വന്നത്.
Whatsapp Group 1 | Whatsapp Group 2 |Telegram Group
രാത്രി മുതല് ക്യൂ നിന്ന നിരവധി ആളുകള് ദർശനം നടത്താതെ മടങ്ങി. പലരും മണിക്കൂറുകളോളം ക്യൂ നിന്ന ശേഷമാണ് നിരാശരായി മടങ്ങിയത് ഇതിന്റെ ഓഡിയോ സന്ദേശങ്ങളും വ്യാപകമായി പ്രചരിക്കുന്നുണ്ട്. മുഖ്യമന്ത്രിയുടെ ദർശന പ്രമാണിച്ച് ജനറല് പാസുകളും നേരത്തെ ഒഴിവാക്കിയിരുന്നു.
