‘എന്റെ അയോഗ്യത എന്തെന്ന് നേതൃത്വം പരിശോധിക്കണം, പെരുമ്പാവൂരിൽ മത്സരിച്ചാൽ വൻ ഭൂരിപക്ഷ ജയം ഉറപ്പ്’; സീറ്റ് ലഭിക്കാത്തതിലുള്ള അനിഷ്ടം മറച്ചുവെക്കാതെ എൽദോസ് കുന്നപ്പിള്ളി

കൊച്ചി: സീറ്റ് ലഭിക്കാതിരുന്നതിനെ തുടർന്നുള്ള രാഷ്ട്രീയ ചർച്ചകൾക്കിടെ പ്രതികരണവുമായി എൽദോസ് കുന്നപ്പിള്ളി രംഗത്ത്. സ്ഥാനാർത്ഥിത്വവുമായി ബന്ധപ്പെട്ട് പാർട്ടി കേന്ദ്രനേതൃത്വത്തിൽ നിന്ന് ഇതുവരെ ഔദ്യോഗിക അറിയിപ്പൊന്നും ലഭിച്ചിട്ടില്ലെന്ന് അദ്ദേഹം വ്യക്തമാക്കി.

Link

Embed

Copy and paste this HTML code into your webpage to embed.

പെരുമ്പാവൂരിൽ കഴിഞ്ഞ പത്ത് വർഷമായി ശക്തമായ പ്രവർത്തനമാണ് താൻ നടത്തിവരുന്നതെന്ന് എൽദോസ് പറഞ്ഞു. അസാധ്യമായി കരുതിയ പല കാര്യങ്ങളും നടപ്പാക്കിയതായും, അവസരം ലഭിച്ചാൽ 15000-ലധികം ഭൂരിപക്ഷത്തിൽ വിജയം നേടാമെന്ന ആത്മവിശ്വാസവും അദ്ദേഹം പ്രകടിപ്പിച്ചു.

തനിക്ക് പാർട്ടി നേതൃത്വത്തിൽ പൂർണ്ണ വിശ്വാസമുണ്ടെന്നും, സീറ്റ് നിഷേധിച്ചതിന് പിന്നിലെ കാരണങ്ങൾ നേതൃത്വം പരിശോധിക്കണമെന്നും എൽദോസ് ആവശ്യപ്പെട്ടു. പ്രവർത്തകരുടെ പൂർണ്ണ പിന്തുണ തനിക്കൊപ്പമുണ്ടെന്നും അദ്ദേഹം മാധ്യമങ്ങളോട് പ്രതികരിച്ചു.