ഓടിക്കൊണ്ടിരുന്ന കാറിനു തീപിടിച്ച് അപകടം; മൂന്ന് കുട്ടികൾ ഉൾപ്പെടെയുള്ള കുടുംബം രക്ഷപ്പെട്ടത് തലനാരിഴയ്ക്ക് ; നിമിഷങ്ങൾക്കുള്ളിൽ അ​ഗ്നിശമന സേന എത്തിയപ്പോഴേക്കും കാർ പൂർണമായി കത്തി നശിച്ചു

സ്വന്തം ലേഖകൻ 

തൃശൂർ: ചൂണ്ടലിൽ ഓടിക്കൊണ്ടിരുന്ന കാറിനു തീപിടിച്ചു. മൂന്ന് കുട്ടികൾ ഉൾപ്പെടെയുള്ള കുടുംബം തലനാരിഴയ്ക്കാണ് രക്ഷപ്പെട്ടത്. ഇന്ന് വൈകീട്ടാണ് സംഭവം. ഇന്നലെ വൈകീട്ട് 7.15നു പഴുന്നാന ചൂണ്ടൽ റോഡിൽ വച്ചാണ് കാർ കത്തിയത്. പഴുന്നാന കരിമ്പനക്കൽ വീട്ടിൽ ഷെൽജിയുടെ ഉടമസ്ഥതയിലുള്ള ​ഹ്യുണ്ടായ് ഇയോൾ കാറാണ് കത്തി നശിച്ചത്.

ഷെൽജിയും മകനും സഹോദരന്റെ മക്കളുമായിരുന്നു കാറിൽ. ഓടിക്കൊണ്ടിരിക്കെ മുൻ വശത്തു നിന്നാണ് തീ ഉയർന്നത്. ഇതു കണ്ടു കാർ നിർത്തി ഷെൽജിയും കുട്ടികളും പുറത്തിറങ്ങി. നിമിഷങ്ങൾക്കുള്ളിൽ കാർ പൂർണമായി കത്തി നശിച്ചു. കുന്നംകുളത്തു നിന്നു അ​ഗ്നിശമന സേന എത്തുമ്പോഴേക്കും കാർ പൂർണമായി കത്തി നശിച്ചിരുന്നു.