2.07 കോടി രൂപ തട്ടിയെടുത്തു; മേജര്‍ രവിക്കെതിരെ പരാതിയുമായി സ്വകാര്യ ആയുര്‍വേദ സ്ഥാപനത്തിന്റെ ഡയറക്ടർ

സ്വന്തം ലേഖിക

ആലപ്പുഴ: സംവിധായകന്‍ മേജര്‍ രവി 2.07 കോടി രൂപ തട്ടിയെടുത്തെന്ന് ആരോപണം.

കാക്കാഴത്തു പ്രവര്‍ത്തിക്കുന്ന സ്വകാര്യ ആയുര്‍വേദ സ്ഥാപനത്തിന്റെ ഡയറക്ടറായ അമ്പലപ്പുഴ പന്ത്രണ്ടില്‍ച്ചിറ എം. ഷൈനാണ് മേജര്‍ രവിയടക്കം രണ്ടു പേര്‍ക്കെതിരേ പരാതി നല്‍കിയത്.

തണ്ടര്‍ ഫോഴ്സ് എന്ന സെക്യൂരിറ്റി കമ്പനിയുടെ എം.ഡി. അനില്‍കുമാറും കമ്പനി ഡയറക്ടറായ മേജര്‍ രവിയും ചേര്‍ന്ന് പണം തട്ടിയെടുത്തെന്നാണ് ഷൈന്‍ ആലപ്പുഴ ജില്ലാ പൊലീസ് മേധാവിക്ക് നല്‍കിയ പരാതിയില്‍ പറയുന്നത്.