ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ല്‍ നി​ര​വ​ധി ത​വ​ണ എ.​ടി.​എം ത​ട്ടി​പ്പ്;തട്ടിപ്പിലൂടെ കോടികളുടെ സമ്പാദ്യം ;ഒടുവിൽ ഹരിയാന സ്വദേശികൾ ആദ്യമായി കുടുങ്ങിയത് കേരള പോലീസിന്റെ വലയിൽ

സ്വന്തം ലേഖിക
ആമ്പല്ലൂർ : ഇ​ന്ത്യ​യി​ലെ വി​വി​ധ സം​സ്ഥാ​ന​ങ്ങ​ളി​ല്‍ നി​ര​വ​ധി ത​വ​ണ എ.​ടി.​എം ത​ട്ടി​പ്പ് ന​ട​ത്തി​യ ഹ​രി​യാ​ന സ്വ​ദേ​ശി​കളെ കേരള പോലീസ് പിടികൂടി .പ്ര​മു​ഖ ഓ​ണ്‍ലൈ​ന്‍ പ​ര്‍ച്ചേ​സ് ആ​പ്പി​ന്‍റെ ട്രെ​യി​ല​ര്‍ ലോ​റി ജീ​വ​ന​ക്കാ​രാ​ണ് കു​ടു​ങ്ങി​യ​ത്. ത​ട്ടി​പ്പി​ന് വേ​ണ്ടി ജോ​ലി മ​റ​യാ​ക്കു​ക​യി​രു​ന്നു ഇ​വ​ര്‍.ക​ഴി​ഞ്ഞമാസം പു​തു​ക്കാ​ട് ദേ​ശീ​യ​പാ​ത​ക്ക്​ സ​മീ​പ​മു​ള്ള എ.​ടി.​എം കൗ​ണ്ട​റി​ല്‍ ന​ട​ന്ന ത​ട്ടി​പ്പി​ല്‍ എ​സ്.​ബി.​ഐ ബാ​ങ്ക് അ​ധി​കൃ​ത​രു​ടെ പ​രാ​തിയെ തുടർന്ന് ഈ​മാ​സം 15നാ​ണ് പു​തു​ക്കാ​ട് പൊ​ലീ​സ് കേ​സെ​ടു​ത്ത​ത്.

.ജി​ല്ല പൊ​ലീ​സ് മേ​ധാ​വി​യു​ടെ നി​ര്‍ദേ​ശ​പ്ര​കാ​രം ചാ​ല​ക്കു​ടി ഡി​വൈ.​എ​സ്.​പി​യു​ടെ​യും പു​തു​ക്കാ​ട് സി.​ഐ​യു​ടെ​യും നേ​തൃ​ത്വ​ത്തി​ല്‍ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്ക​രി​ച്ചു. സം​ഭ​വം ന​ട​ന്ന​താ​യി പ​രാ​തി​യി​ല്‍ പ​റ​യു​ന്ന സ​മ​യ​ത്തെ എ.​ടി.​എം കൗ​ണ്ട​റി​ലെ​യും പാ​ലി​യേ​ക്ക​ര ടോ​ളി​ലെ​യും ക്യാമറ ദൃ​ശ്യ​ങ്ങ​ളും ആ ​സ​മ​യം ഇ​ട​പാ​ട് ന​ട​ത്തി​യ​വ​രു​ടെ അ​ക്കൗ​ണ്ട് വി​ശ​ദാം​ശ​ങ്ങ​ളും പൊ​ലീ​സ് പ​രി​ശോ​ധി​ച്ചു.

തു​ട​ര്‍ന്നാ​ണ് ര​ണ്ടു​പേ​രാ​ണ് കൗ​ണ്ട​റി​ല്‍ ക​യ​റി പ​ണം പി​ന്‍വ​ലി​ച്ച​തെ​ന്നും ഉ​പ​ഭോ​ക്താ​ക്ക​ളു​ടേ​ത് ഹ​രി​യാ​ന അ​ക്കൗ​ണ്ടു​ക​ളാ​ണെ​ന്നും മ​ന​സ്സി​ലാ​ക്കി​യ​ത്. ട്രെ​യി​ല​ര്‍ ലോ​റി എം.​ടി.​എം കൗ​ണ്ട​റി​നോ​ട് ചേ​ര്‍ന്ന് സ​ര്‍വി​സ് റോ​ഡി​ല്‍ നി​ര്‍ത്തി​യി​ട്ട് ശ്ര​ദ്ധ മ​റ​ച്ച ശേ​ഷ​മാ​ണ് കാ​ര്‍ഡു​ക​ള്‍ ഉ​പ​യോ​ഗി​ച്ച്‌ പ​ണം പി​ന്‍വ​ലി​ച്ച​തെ​ന്നും അ​ന്വേ​ഷ​ണ സം​ഘം ക​ണ്ടെ​ത്തി. ഹ​രി​യാ​ന ര​ജി​സ്‌​ട്രേ​ഷ​നി​ലു​ള്ള ലോ​റി​യു​ടെ നമ്പർ ക​ണ്ടെ​ത്താ​ന്‍ ക​ഴി​ഞ്ഞ​ത് പൊ​ലീ​സി​ന് പ്ര​തി​ക​ളി​ലേ​ക്കു​ള്ള ദൂ​രം കു​റ​ച്ചു. തി​ങ്ക​ളാ​ഴ്ച പാ​ലി​യേ​ക്ക​ര ടോ​ള്‍ ക​ട​ന്നു​പോ​യ ഇ​തേ ലോ​റി​യും പ്ര​തി​ക​ളെ​യും പൊ​ലീ​സ് പിന്തുടർന്ന് കു​തി​രാ​നി​ല്‍ വെ​ച്ച്‌ പി​ടി​കൂ​ടു​ക​യാ​യി​രു​ന്നു.

തു​ട​ര്‍ന്ന്​ ചോ​ദ്യം ചെ​യ്യ​ലി​ല്‍ പ്ര​തി​ക​ള്‍ ത​ട്ടി​പ്പു​വി​വ​രം പൊ​ലീ​സി​ന് മൊ​ഴി​ന​ല്‍കി.പി​ടി​യി​ലാ​യ​വ​ര്‍ എം.​ടി.​എം യ​ന്ത്ര​ത്തി​ന്‍റെ സെ​ന്‍​സ​റി​ല്‍ കൃ​ത്രി​മം ന​ട​ത്തി​യാ​ണ്​ ത​ട്ടി​പ്പ്​ ന​ട​ത്തു​ന്ന​തെ​ന്ന്​ പൊ​ലീ​സ്.പറഞ്ഞു .ഈ ​രീ​തി​യി​ല്‍ എ.​ടി.​എം ത​ട്ടി​പ്പ്​ ന​ട​ക്കു​ന്ന വി​വ​രം പു​റ​ത്തു​വ​രു​ന്ന​ത്​ ആ​ദ്യ​മാ​ണ്. ഇ​വ​ര്‍ കൈ​യി​ല്‍ ക​രു​തു​ന്ന പ്ര​ത്യേ​ക താ​ക്കോ​ല്‍ ഉ​പ​യോ​ഗി​ച്ച്‌​ എ.​ടി.​എം യ​ന്ത്രം തു​റ​ക്കും. തു​ട​ര്‍​ന്ന്​ കാ​ര്‍​ഡ്​ നി​ക്ഷേ​പി​ച്ച്‌​ പൈ​സ എ​ടു​ക്കും. പൈ​സ പു​റ​ത്തു​വ​ന്ന ശേ​ഷം നേര​ത്തേ തു​റ​ന്ന്​ വെ​ച്ച യ​ന്ത്രം സ്വി​ച്ച്‌​ ഓ​ഫ്​ ചെ​യ്യു​ക​യും ഉ​ട​ന്‍ ഓ​ണാ​ക്കു​ക​യും ചെ​യ്യും. ഇ​ങ്ങ​നെ ചെ​യ്യു​മ്പോ​ള്‍ പ​ണം പു​റ​ത്തേ​ക്ക്​ വ​രു​ക​യും എ​ന്നാ​ല്‍ ‘ഇ​ട​പാ​ട്​ പ​രാ​ജ​യം’ (ട്രാ​ന്‍​സാ​ക്​​ഷ​ന്‍ ഫെ​യി​ല്‍​ഡ്) എ​ന്ന്​ കാ​ണി​ക്കു​ക​യും ചെ​യ്യും.

യ​ന്ത്ര​ത്തി​ല്‍​നി​ന്ന്​ പ​ണ​മെ​ടു​ത്ത ഉ​ട​ന്‍ ഇ​വ​ര്‍ ടോ​ള്‍ ഫ്രീ ​നമ്പ​റി​ല്‍ ബാ​ങ്കി​ലേ​ക്ക്​ വി​ളി​ച്ച്‌​ അ​ക്കൗ​ണ്ടി​ല്‍​നി​ന്ന്​ പ​ണം കു​റ​ഞ്ഞ​താ​യി കാ​ണി​​​ച്ചെ​ന്നും എ​ന്നാ​ല്‍ യ​ന്ത്ര​ത്തി​ലൂ​ടെ ആ ​തു​ക കി​ട്ടി​യി​ല്ലെ​ന്നും അ​റി​യി​ക്കും. തു​ട​ര്‍​ന്ന്​ ബാ​ങ്കി​ല്‍​നി​ന്ന്​ ഇ​വ​രു​ടെ അ​ക്കൗ​ണ്ടി​ലേ​ക്ക്​ പ​ണം റീ​ഫ​ണ്ട്​ ചെ​യ്യും.

സു​ഹൃ​ത്തു​ക്ക​ള്‍ അ​ട​ക്ക​മു​ള്ള പ​ല​രു​ടെ​യും ആ​ധാ​ര്‍ കാ​ര്‍​ഡു​ക​ള്‍ ഉ​പ​യോ​ഗി​ച്ച്‌​ ത​ട്ടി​പ്പി​നു​വേ​ണ്ടി ഇ​വ​ര്‍ നി​ര​വ​ധി ബാ​ങ്ക്​ അ​ക്കൗ​ണ്ടു​ക​ള്‍ തു​ട​ങ്ങി​യി​ട്ടു​ണ്ട്. ഇ​തി​ലേ​ക്ക്​ ആ​ദ്യം പ​ണം നി​ക്ഷേ​പ​ക്കു​ക​യും അ​തി​ന്‍റെ മ​റ​വി​ല്‍ ത​ട്ടി​പ്പ്​ ന​ട​ത്തു​ക​യു​മാ​ണ്​ രീ​തി. ഇ​വ​രു​ടെ ത​ട്ടി​പ്പു​ക​ളി​ല്‍ അ​ധി​ക​വും എ​സ്.​ബി.​ഐ​യു​ടെ എ.​ടി.​എ​മ്മു​ക​ളി​ലാ​യി​രു​ന്നു.
ഈ ​രീ​തി​യി​ല്‍ എ.​ടി.​എം ത​ട്ടി​പ്പ്​ ന​ട​ക്കു​ന്ന വി​വ​രം പു​റ​ത്തു​വ​രു​ന്ന​ത്​ ആ​ദ്യ​മാ​ണ്. ഇ​വ​ര്‍ കൈ​യി​ല്‍ ക​രു​തു​ന്ന പ്ര​ത്യേ​ക താ​ക്കോ​ല്‍ ഉ​പ​യോ​ഗി​ച്ച്‌​ എ.​ടി.​എം യ​ന്ത്രം തു​റ​ക്കും. തു​ട​ര്‍​ന്ന്​ കാ​ര്‍​ഡ്​ നി​ക്ഷേ​പി​ച്ച്‌​ പൈ​സ എ​ടു​ക്കും. പൈ​സ പു​റ​ത്തു​വ​ന്ന ശേ​ഷം നേ​ത്തേ തു​റ​ന്ന്​ വെ​ച്ച യ​ന്ത്രം സ്വി​ച്ച്‌​ ഓ​ഫ്​ ചെ​യ്യു​ക​യും ഉ​ട​ന്‍ ഓ​ണാ​ക്കു​ക​യും ചെ​യ്യും. ഇ​ങ്ങ​നെ ചെ​യ്യു​മ്ബോ​ള്‍ പ​ണം പു​റ​ത്തേ​ക്ക്​ വ​രു​ക​യും എ​ന്നാ​ല്‍ ‘ഇ​ട​പാ​ട്​ പ​രാ​ജ​യം’ (ട്രാ​ന്‍​സാ​ക്​​ഷ​ന്‍ ഫെ​യി​ല്‍​ഡ്) എ​ന്ന്​ കാ​ണി​ക്കു​ക​യും ചെ​യ്യും.

2018 മു​ത​ല്‍ ആ​രം​ഭി​ച്ച ത​ട്ടി​പ്പി​ലൂ​ടെ പ്ര​തി​ക​ള്‍ സ​മ്ബാ​ദി​ച്ച​ത്​ കോ​ടി​ക​ള്‍. ഡ​ല്‍ഹി കേ​ന്ദ്ര​മാ​യു​ള്ള പ്ര​മു​ഖ ഓ​ണ്‍ലൈ​ന്‍ പ​ര്‍ച്ചേ​ഴ്‌​സ് കമ്പനി​യു​ടെ ട്രെ​യി​ല​ര്‍ ഡ്രൈ​വ​ര്‍മാ​രാ​യ പ്ര​തി​ക​ള്‍ ഇ​ന്ത്യ​യി​ല്‍ എ​വി​ടെ​യും എ​ത്തി​പ്പെ​ടാ​നു​ള്ള ലൈ​സ​ന്‍സ് ആ​യാ​ണ് ജോ​ലി​യെ ക​ണ്ടി​രു​ന്ന​ത്. മി​ക്ക സം​സ്ഥാ​ന​ങ്ങ​ളി​ലും സ​മാ​ന​രീ​തി​യി​ല്‍ ത​ട്ടി​പ്പ് ന​ട​ത്തി​യ​താ​യി പ്ര​തി​ക​ള്‍ പൊ​ലീ​സി​നോ​ട് പ​റ​ഞ്ഞു. ആ​ഡം​ബ​ര ജീ​വി​തം ന​യി​ക്കാ​നും നാ​ട്ടി​ല്‍ ഭൂ​മി​വാ​ങ്ങി കൂ​ട്ടാ​നു​മാ​ണ് കൊ​ള്ള​മു​ത​ല്‍ ഉ​പ​യോ​ഗി​ക്കു​ന്ന​ത്.